ԵԱՀԿ-ում ՀՀ մշտական ներկայացուցիչ, դեսպան Արմեն Պապիկյանի ելույթը ԵԱՀԿ Մշտական խորհրդի 1426 հատուկ նիստին

07 հունիսի, 2023

Հունիսի 6-ին կայացած ԵԱՀԿ մշտական խորհրդի հատուկ նիստի ընթացքում ԵԱՀԿ-ում ՀՀ մշտական ներկայացուցիչ, դեսպան Արմեն Պապիկյանը հանդես եկավ ելույթով՝ ի պատասխան Ադրբեջանի ԱԳ նախարար Ջեյհուն Բայրամովի հնչեցրած ելույթի:

Իր խոսքում դեսպան Պապիկյանը, ի թիվս այլ հարցերի, հանգամանալից անդրադարձավ 2020թ. նոյեմբերի 9-ի եռակողմ հայտարարության կոպիտ խախտմամբ Ադրբեջանի կողմից Լաչինի միջանցքում ապօրինի անցակետի տեղադրմանը և դրա հետևանքով Լեռնային Ղարաբաղում սրված հումանիտար ճգնաժամին։

Լեռնային Ղարաբաղի հիմնահարցի կարգավորման և տևական խաղաղության հաստատման համատեքստում ընդգծվեց Ստեփանակերտ-Բաքու քննարկումների համար միջազգային մեխանիզմի ներդրման և արցախահայության անվտանգության և իրավունքների հասցեագրման հրամայականը։

ՀՀ մշտական ներկայացուցիչը կարևորեց անցած տարվա սեպտեմբերին ՀՀ ինքնիշխան տարածքի նկատմամբ Ադրբեջանի ագրեսիայից հետո ԵԱՀԿ առաքելության ժամանումը Հայաստան։

Շեշտվեց ԵԱՀԿ մեխանիզմների և հաստատված ձևաչափերի փորձի և առկա գործիքակազմի կիրառման կարևորությունը` տարածաշրջանում հակամարտային հարցերի կարգավորման գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր